​

Mae Parc Cenedlaethol Bannau Brycheiniog yn darparu rhywbeth at ddant pawb. Mae’r 519 milltir sgwâr mynyddig yma yn un o hoff dirluniau Prydain, ac maent hefyd ar fap y byd.

 

Mae’r Parc Cenedlaethol yn llawer rhy eang i’w brofi ar un tro. Felly, mae wedi ei rannu i bedair rhan. Y Mynyddoedd Du yn y Dwyrain, wedi eu gwarchod gan dref farchnad Talgarth a thref Y Gelli sy’n enwog am ei llyfrau. Yr ail ran, Bannau Brycheiniog, sy’n cynnwys y mynydd uchaf yn Ne Prydain, Pen-y-Fan. Y drydedd rhan yw tiroedd hela hynafol Fforest Fawr, a’r bedwaredd rhan ydy’r Mynydd Du yn y Gorllewin, gyda thref haearn enwog, Ystradgynlais yn ei gysgod. 

 

Cewch eich syfrdanu gan yr harddwch yma. Bydd yr ymdeimlad o ofod yn gwneud i chi ystyried eich bywyd mewn modd newydd. Mae’n ddihangfa ac yn ysbrydoliaeth.

 

Byddech yn disgwyl iddo ddenu pobl â diddordeb mawr mewn gweithgareddau awyr agored. Cerddwyr, llongwyr, pysgotwyr, canŵyr, mynyddwyr, marchogwyr a barcutwyr. Cywir.

 

Ond nid dyna’i gyd. Gallwch hefyd ddod o hyd i ogofäwyr, pobl yn edrych ar y sêr, pobl sy’n mynychu gwyliau, daearegwyr a phobl sy’n hoffi awyrennau. Pawb yn mwynhau yn eu ffordd eu hunain a’r byd i gyd yn dangos diddordeb.

 

Mae Gŵyl Jazz Aberhonddu, Gŵyl y Gelli a Gŵyl y Dyn Gwyrdd yn Crucywel i gyd yn denu hudoliaeth ryngwladol i gefn gwlad Canolbarth Cymru.

 

Mae’r creigiau yn Fforest Fawr mor arbennig fel eu bod nhw wedi derbyn cydnabyddiaeth fel Parc Geo Ewropeaidd. Mae’r ogofâu yn Dan-yr-Ogof y gorau yn Ewrop. Mae atgofion byw iawn o’r Ail Ryfel Byd ar wasgar ar hyd y Parc Cenedlaethol wrth i chi weld olion hen ddamweiniau awyrennau yng nghanol y tirwedd gwyllt. 

 

Mae’r awyr yn dywyll ymhob man. Mor dywyll nes y gallwch weld sêr pellennig, nebiwla llachar a hyd yn oed cawodydd meteor. Dyna pam mae Bannau Brycheiniog yn un o’r pum lle yn y byd sydd â statws Gwarchodfa Awyr Tywyll Cenedlaethol (International Dark Sky Reserve). 

 

Y Llwybr Llaethog neu Lwybr Brycheiniog? Gall Canolfan Ymwelwyr y Parc Cenedlaethol i’r de o Aberhonddu eich rhoi ar ben ffordd, gan ddarparu’r holl wybodaeth y byddwch ei angen i gael profiad unigryw. 

​

I gael rhagor o wybodaeth am Fannau Brycheiniog: Click Here