Gwlad Offa

Teg yw dweud nad oedd Offa, Brenin Mersia yn yr 8fed ganrif, yn hoff iawn o’i gymdogion Cymreig.

 

Yn wir, fe aeth i gryn drafferth i adeiladu clawdd yr holl ffordd ar hyd y ffin rhwng Cymru a Lloegr er mwyn cadw’r Cymry oddi ar ei dir. 

 

Clawdd Offa bellach ydy heneb hiraf Prydain – a’r ysbrydoliaeth ar gyfer un o’i llwybrau cerdded mwyaf poblogaidd. Er, mae’n annhebygol y byddai’r Brenin Offa yn hoff o hyn. 

 

Yn sicr, nid yw’r Clawdd 177 milltir o hyd, sy’n rhedeg o Gas-gwent i Brestatyn, yn cadw Cymru a Lloegr ar wahân bellach, ond yn hytrach yn eu huno mewn pleser pur sydd i’w gael o’r tirwedd anhygoel a elwir yn Wlad Offa.

 

Mae rhwydweithiau o lwybrau march, llwybrau porthmyn a llwybrau tawel yn llifo oddi ar y prif lwybr i’r cefn gwlad cyfagos – o lwybrau trawiadol y Mynyddoedd Du i’r dolydd tawel ger afonydd Gwy a Hafren.

 

Mae hyn yn golygu na all y rhan fwyaf o gerddwyr Llwybr Clawdd Offa lwyddo i adael Canolbarth Gymru. Nid â lleoedd fel Castell Powis i’w darganfod a digwyddiadau fel Gŵyl Lenyddiaeth y Gelli i’w cadw’n brysur. 

 

Nid yw’n hawdd cau’r carrai ar eich esgidiau unwaith eto wedi i chi fwynhau pryd o fwyd bendigedig mewn tafarn leol a chysgu’r nos mewn gwely clyd. Mae bron yn amhosib gadael y trefi marchnad atyniadol fel Trefaldwyn, Llanandras a’r Trallwng gyda’u llu o siopau bach annibynnol i’ch denu. 

 

Mae Canolfan Gwybodaeth Clawdd Offa yn Trefyclo, yr unig dref ar y clawdd ei hun, yn barod i gynnig unrhyw wybodaeth i chi am y llwybr.  A thu allan i’r dref mae coedwig lle mae’r ddraig olaf yng Nghymru yn cysgu. Ewch i gael gweld.