​

Asgwrn cefn Cymru yw Mynyddoedd Cambria. Gweundir eang wedi ei ffurfio gan rewlifau a’i hollti gan ddyffrynnoedd serth. 

 

Maen nhw’n tarddu ym Mhumlumon Fawr, ffynhonnell dim llai na chwech o afonydd. Dyna pam mai Llanidloes yw’r dref gyntaf ar afon Hafren a Rhaeadr yw’r gyntaf ar afon Gwy. 

 

Mae’r mynyddoedd yn ymestyn yr holl ffordd i’r de tuag at Fynydd Mallaen ger Llanwrtyd. Yma mae prifddinas digwyddiadau chwaraeon rhyfedd a rhyfeddol Prydain.

 

Maen nhw’n cynnwys rhai o’r creigiau mwyaf hynafol ym Mhrydain. Rhwng trefi Sba Llandrindod a Llanfair-ym-Muallt – cartref Sioe Frenhinol Cymru – mae ardal sy’n enwog yn rhyngwladol am ei ffosiliau trilobit. 

 

Ond nid yw pob rhan o’r Mynyddoedd wedi ei chreu dros gyfnod o 500 miliwn o flynyddoedd. Cafodd Ystad Cwm Elan, neu “Bro’r Llynnoedd Cymru”, ei chreu yn oes Victoria gan rym ewyllys yn unig. 

 

Ar un adeg roedden nhw’n cael eu hystyried o ddifri ar gyfer statws Parc Cenedlaethol, ond mae Mynyddoedd Cambria yr un mor arbennig â’r Wyddfa a Bannau Brycheiniog, er nad ydynt hanner mor enwog. Maen nhw’n gyfoethog mewn rhywogaethau prin fel y cwtiad aur, y grugiar ddu a’r barcut coch.

 

Efallai mai dyma beth a ysgogodd Tywysog Cymru, sy’n ymwybodol iawn o’r angen i fod yn eco gyfeillgar, i sefydlu ei gartref Cymreig yn Llwynywernod. Mae’n barod iawn i geisio gwarchod y tirwedd garw a’r cymunedau gwledig sy’n dibynnu arno, drwy ei Fenter Mynyddoedd Cambria.

 

A phan nad yw Ei Fawrhydi adref, gallwch aros yn yr iard drws nesaf a gallwch gerdded llwybrau’r porthmyn, siopa yn y trefi marchnad neu fwyta allan yn y tai bwyta sydd wedi’u gwobrwyo.

​

Am fwy o wybodaeth am Fenter Mynyddoedd Cambria Click Here

​

Edrychwch ar lyfryn Mynyddoedd Cambria i gael gwybod mwy: